Digital marketing professional scholarship by ITIDA & Udacity (Freelance)

 

 

اهلا بيك/بيكي

            احب اهنيك لانك طالما انك وصلت هنا دلوقتى يبقى انت اكيد عندك نفس الاهتمامات و الافكار اللى عندى,و اللى هتخليك تقرأ المقال للاخر و غالبا هيغيرلك حياتك و هيساعدك تاخد قرار انت مأجلة و متردد او مش لاقى الطريق الصح اللى تبدأ فيه.

بدايه احب اعرفك بنفسي انا مهندس فى شركة اتصالات متزوج و اب لطفلين.

لكن طبعا زى ما كلنا عارفين متطلبات الحياه بتزيد يوم بعد يوم و كمان احلامنا بتكبر مع الوقت و ناس كتير و انا منهم عندهم احلام بانه يستقل عن الوظيفة او يطور نفسه ومهاراته عشان يحسن دخله و يحقق حلمه انه يكون عند شغله الخاص بيه و يحقق الاستقلال المادى. لكن مش كل الناس متوفر عندها الامكانيات اللى ممكن تنشأ بيها مشروع تقليدى و تاخد المخاطرة  برأس المال النقدى .

لقيت انى عشان احقق الحلم ده لازم اطور مهاراتى و اشتغل على نفسي و يكون ده هو راس مالى اللى استثمر فيه بجانب وظيفتى الاساسية لحد ما اوصل لمرحلة ان المهارة دى تكون هى اساس مشروعى المستقبلى كجزء من خطة الاستقلال عن الوظيفة الروتينيه.

بس كان عندى سؤال مهم: ايه هى المهارة اللى ممكن اشتغل عليها عشان احقق دة.

فى مقوله بتقول "رب ضرة نافعة " بالضبط كدة. فى  خلال فترة جائحة كرونا بدات اشوف قد ايه ان الانترنت السوشيال ميديا و الشغل اون لاين بقى اهم من اى وقت فات. و ازاى ان العالم كلة بيتجه فعليا للتجارة و العمل اون لاين بشكل كبير و ان المجال دة مبقاش رفاهية و هو المتسقبل بجد. و فى شركات عالمية كبيرة بتقفل فروعها لانها هتعتمد عى التجارة الاكترونية بشكل كلى.

فكرت ازاى اكون جزء من الدائرة دي و ان احاول افهم الموضوع دة كويس بس مكنتش عارف ابدأ ازاى ومنين خصوصا ان الكورسات الكويسة اسعارها غاليه  و ممكن مقدرش اوفق  بينها و بين شغلى.

 

لحد مشوفت اعلان على الفسيبوك بيتكلم عن منحة بتقدمها وزراة الاتصالات المصرية بالتعاون مع UDACITY  المنصه التعليمية المعروفة, و دخلت اشوف الموضوع . و هنا كانت المفاجاءة المفرحة جدا انها منحه مجانية تماما و كمان هاخد شهادة رسمية معتمدة ودى حاجة مهمة جدا ليا, و الدراسه اون لاين مش محددة بوقت حضور معين , يعنى هدرس فى الوقت اللى هيناسبنى ولا يتعارض مع شغل  و من البيت كمان ودى  كانت مشكلة بالنسبالى قبل كدة.

بس الاجمل فى الموضوع انهم بيدوك اختيارات فى مجالات كتير و هى web development , Data Analysis , and Digital marketing

فى كل مجال منهم فى  3 مستويات  بيبدا معاك من الصفر حتى الاحتراف from zero to hero  يعني مش ضرورى اكون متخصص فى حاجة عشان ابدا فيها.

كمان بجانب المادة العلمية اللى بيقدمها الكورس فى community  من خلاله تقدر تتواصل مع students & tutors   لو محتاج مساعدة فى حاجة مش فاهمها بالاضافه لل technical support  المتوفر طول الوقت

الفرصة كانت ذهبية و بتوفر  كل اللى كنت بدور عليه . مفكرتش كتير و دخلت سجلت فى مجالين digital marketing professional & Data Analysis challenger  عاشن احقق هدفين انى اطور مهاراتى فى التسويق الالكترونى كعمل حر و فى نفس الوقت اطور فى شغلى الاساسي فى  تحليل البيانات.

الفرصة لسه متاحة قدامك مستنى ايه؟